Olinpiada gisa definitzen dute arraunlari eta zaletuek Kontxako Bandera. Bertan bizi den giroa izugarria da eta talde ezberdinetako zaletuek euren  kamiseten kolorez janzten dute Donostiako Parte Zaharra, Paseo Berria, Kontxako badia edo Igeldo mendia. Beste estropada guztietatik ezberdina da eta irabazi edo galdu, bertan izatea sari bat da jada. Baina behin bertan izanda, zergatik ez irabazi?

Asmo horrekin urreratuko ziren pasa den igandean Kaiku, Urdaibai, Castro, Orio, Pedreña, San Pedro eta Hondarribiako taldeak. Apustuek Kaiku (1,85 jokaturiko euroko) eta Castro (3,1 jokaturiko euroko) jotzen zituzten faborito argi gisa eta ez zuten hutsik egin. Huts egin zutena Pedreña, Urdaibai eta Orio izan ziren. Banderaren lehiatik oso urrun geratzeaz gain, ez zuten ohorezko txandan sartzea lortu. Adituek dioten bezala, “Kontxa beste estropada guztietatik ezberdina da” eta argi geratu zen hori beste behin.

Bigarren iganderako ere Kaiku faborito

Lehen igandean emaniko erakustaldia ikusita, Kaiku da igandeko estropada irabazi eta urte askoren ostean Kontxako Bandera bizkaiaruntz eramateko faborito nagusia. Batzuek 5,44 segundu ez direla asko diote, baina Kortak zihoen bezala, “hobe badaezpada etxean edukitzea”. Eguraldi onarekin, 5 segundu mundu bat izatera hel daitzeke.

Castrok ere baditu bere aukerak. Urte osoan nagusitasun handia erakutsi du eta argi dago, bere maila onena emateko gai izanez gero ez dela garaipenetik oso urrun ibiliko. San pedrok eta Hondarribiak berriz, zaila dute Banderaren lehian sartzea, baina estropada txukun bat egin eta aurrekoei zirikatzen saiatuko dira.

Bigarren txandan berriz, lehenengo igandean “suspenditu” zutenak arituko dira. Pedreña, Urdaibai eta Oriok lehia estua izango dute txanda irabazteko eta Donostiarrek berriz, ahalik eta denbora gutxien galtzen saiatuko dira. Apustuek Pedreña ontzia ematen dute faborito, baina Orio eta Urdaibaiko ontziek ere badituzte bere aukerak.

                             Ohorezko Txanda                                               1. Txanda

            1. Kaiku             1,65   (1,14 euro Bandera)          1. Pedreña        2,15   (45 euro Bandera)

            2. Castro            2,85   (3,90 euro Bandera)         2. Orio              2,20   (50 euro Bandera)

            3. P. San Pedro  7,50   (16,0 euro Bandera)          3. Urdaibai        4,10  (100 euro Bandera)

            4. Hondarribia    11,0    (45,0 euro Bandera)          4. Donostiarra   200  (1000 euro Bandera)

EMAKUMEZKOEN KONTXAKO II. BANDERA

Aurtengoan ere emakumezkoen traineruak izango dira Kontxan. Euskotren Ligak indar handia eman dio emakumezkoen arraunari eta horri jarraipena emateko, bigarren urtez jarraian Kontxako banderan arituko dira lehian. Aurten 11 traineruk hartuko dute parte eta sailkapen estropada larunbatean jokatuko da arratsaldeko 6etatik aurrera. Txandetan banatuta arituko dira sailkapen estropadan eta 4 onenek lortuko dute igandean aritzeko txartela.

Aurtengo ediziorako hiru dira faborito nagusiak: Getari-Tolosa, Rias Baixas (Galizia) eta Astillero. Gipuzkoarrek maila bikaina erakutsi dute Euskotren Ligan eta Galiziarrei aurre egiteko gai izan diren bakarrak izan dira. Astilleroren mailaren inguruan ez dago erreferentzia handirik, baina iaz lorturiko bigarren postuak eta talde kantabriar bakarra izateak faborito txartela jartzen dio.

                                     Emakumezkoen Kontxako Bandera                                                      

                                    1. Getaria-Tolosa                 1,85 euro

                                    2. Astillero                          2,45 euro

                                    3. Rias Baixas                      2,55 euro

                                    4. Mecos                            25 euro

                                    5. A Cabana                        25 euro

                                    6. Bizkaia                            60 euro

                                    7. Zumaia Kiroljokoa             60 euro

                                    8. Hondarribia                     100 euro

                                    9. Ur-Kirolak                       300 euro

                                  10. Club natacio Badalona    900 euro

                                  11. Club Rem Badalona        900 euro      

Edizio honetan, 5 talde gipuzkoar (Hondarribia, Orio, San Pedro, Zarautz eta Zumaia), 3 bizkaitar (Arkote, Kaiku eta Urdaibai) eta 2na kantauriar (Castro eta Pedreña) eta galiziar (Meira eta Tiran) izango ditugu beste urtebetez nor baino nor lehian ikuskizun paregabea eskaintzeko asmoz. Baina denen helburuak ez dira berdinak izango. Batzuek Liga irabazi nahiko dute; besteek ohorezko txandan sartu; eta talde apalenek azken postuak albo batera utzi beste urtebetez onenen artean mantentzeko.

Apustuen arabera, aurtengo edizioa irabazteko faborito nagusiak Castro, Urdaibai, Orio eta San Pedro dira. Iazko denboraldiak eta aurredenboraldiko estropadetan erakutsitako mailak jarri die “faboritoen etiketa”, baina ez dezatela lorik hartu, Hondarribia, Kaiku, Pedreña eta Zarautz bezalako taldeak atejoka baitaude ohorezko laukote horri aurre hartzeko.

Jeitsiera ekiditeko lehian berriz, Arkote, Meira, Tiran eta Zumaia egongo lirateke. Talde bizkaitarra “kiniela” denetan dago, Caboren ezezkoaren ondorioz mantendu baita maila nagusian. Meira eta Tiran “inkognita” bat dira, ez baitago erreferentziarik hemengo taldeekin alderatzeko. Tiranek talde polita osatu omen du, baina inork ez daki ze maila emateko gai izango den. Eta Zumaiak azken urteetan bezala mailari eutsi nahiko dio lehen estropadetan ahalik eta puntu gehien lortuaz.

XI Telefonica Bandera - Bilbo Hiria SN / XI Bandera Telefonica - GP Villa de Bilbao

Iaz EXPOa Zaragozan zela eta, Ebro ibaian eman zitzaion hasiera San Miguel Ligari. Aurtengoan berriz, Bilboko ibaiak izango du Ligako lehen estropada izatearen “ohore” hori. Erlojupeko gisara arituko dira eta ibaian dela eta, potentzia handiko taldeak dira faborito egun honetarako.

Kiroljokoak estropada honetarako apustu katalogoa zabaldu nahi zian du. Ondorioz, estropadako irabazlea nor izango den apustu egiteaz gain, lehenak bigarrenari zenbat segundu aterako dizkion, talde bakoitzak zein postutan amaituko duen eta antzerako apustuak egin ahalko dira.

Kiroljokaoren Apustu katalogoa

1.      Estropadako irabazlea

2.      Estropada irabazlearen traineruaren jatorria

3.      Sailkapena 2 aurrenen artean

4.      1. et 2. arteko segundu diferentzia

5.      Buruz buru: Urdaibai vs. Castro

                         Orio vs. P. San Pedro

                         Hondarribia vs. Kaiku

                         Zarautz vs. Zumaia

6.   Traineru bakoitzaren sailkapena

 XI Telefonica Bandera - Bilbo Hiria SN Estropadako kuotak

Bizkaian berriz, espero zen bezala Kaiku eta Bermeoren arteko lehia estua bizi da. Bateletan gertatu bezala, bi talde hauek ez dute aurkaririk eta azken estropadan ikusi zen bezala (ehunenekoek erabaki zuten garailea), detaile txikiek erabakiko dute irabazlea. Hauen atzetik berriz, brontzezko medailaren bila arituko dira Santurtzi, Isuntza eta Arkote. Ez dira bermeotarren eta sestaotarren mailara heltzen, baina maila ona emateko gai direla erakutsi dute eta inor deskuidatuz gero, muturra sartzeko prest daude.

Emakumeen estropadak

Aurten lehen aldiz jokatuko da Euskotren Liga, gizonezkoen ACT Liga izango litzatekeena. Hori dela eta, motorrak berotzeko asmoz, Kiroljokoak Gipuzkoan jokatzen ari den Emakumezkoen Trainerila Ligaren inguruko apustuak eskaini ditu. Bertan lau talde ari dira parte hartzen: Hibaika, Koxtape, Zumaia eta Getaria. Zumaia eta Getariak bina estropada irabazi dituzte orain arte eta bi taldeen arteko lehia espero da hemendik aurrera ere.

Asteburu honetako estropadetako kuotak

- GIPUZKOA (6.Jardunaldia Getarian)

       Gizonezkoak                              Emakumezkoak      

Hondarribia         1,55                        Zumaia      1,20

P. San Pedro      2,00                        Getaria      1,20

Orio                  3,20                        Koxtape    20,00

Zarautz              3,20                        Hibaika     100,00

Zumaia              5,60

Koxtape            7,50

Donostia A.L.     96,00

Ur-Kirolak           96,00

(....)                 96,00

- Bizkaia (4.Jardunaldia Ondarroan)

Bermeo A            1,40

Kaiku B                1,60

Isuntza B             5,00

Urdaibai               5,50

Itsasoko Ama A    7,50

Kaiku C               7,50

Bermeo B           11,00

Kaiku A              33,00

Arkote A            35,00

Isuntza B            50,00

Pasai San Pedrok Orion emaniko erakustaldia berretsi nahiko du beste estropada on batekin. Negu gorabeheratsu baten ostean, argi erakutsi zuten talde indartsua osatu zutela eta ACT Ligan onenen artean ibiltzeko hautagai direla. Castrok berriz, etxekoen aurrean garaipena lortu nahiko du. Orion bi ontzi sartu zituen zazpi lehenen artean, maila paregabea erakustsiaz. Etxabe eta Joseba Fernandezek zuzenduriko mutilek, iazkoa errepikatu nahiko dute aurtengo denboraldian. Kantabriako beste bi ontzi ere kontutan hartzeko modukoak dira: Pedreña eta Astillero. Pedreñakoak ez ziren Orion izan, baina Santoñan eta Hondarribian maila ona erakutsi zuten eta gogotsu izango dira test berri bat egiteko. Astillerokoek berriz, ez dute aukera gehiegi indartsuenekin lehiatzeko, aurten ARC 1 ligan arituko baitira eta Castron aukera paregabea dute ACTko taldeekin parekatzeko. Eta aipatzeko geratzen diren beste bi talde handiak Orio eta Urdaibai dira. Oriok erregulartasun handia erakutsi du aurredenboraldi honetan Urdaibaik ez bezala. Hauek Orion ez zuten espero zen maila eman eta itxura hobea ematen saiatuko dira. Orio berriz, aurredenboraldiko lehen garaipena lortzen saiatuko da.

Kiroljokoaren eskaintza estropada honetarako zein taldek irabaziko duen estropada asmatzera mugatzen da. Aurrez aipatu bezala aukera franko dago, talde indartsu ugari izango baitira Castron. Guk gure eskaintza luzatzen dizuegu apustu egiteko. Kiroljokoa, utzi jarduna eta erakutsi dakizuna!

Gure kuotak:
- Castro A          2,30
- P. San Pedro    2,50
- Orio A             3,00
- Urdaibai          3,00
- Astillero          3,70
- Pedreña          9,00
- Castro B          15,00
- Orio B             36,00
- Beste taldeak   95,00