Tornozulotik bloga http://estropa.net/Members/Tornozulotik/tornozulotik-bloga Tornozulotik bloga RSS 1.0 feed. daily 1 Tornozulotik bloga http://estropa.net/Members/Tornozulotik/tornozulotik-bloga http://estropa.net/logo.png Donostiarra: bazkideen eguna eta plantillen aurkezpena http://estropa.net/Members/Tornozulotik/tornozulotik-bloga/archive/2010/06/17/donostiarra-bazkideeen-eguna-eta-plantillen-aurkezpena <div style="text-align: justify;"><a href="http://2.bp.blogspot.com/_q_8Qh9zwEQE/TBnaZeldXqI/AAAAAAAAAZs/HLWFNAzQ9yE/s1600/don.JPG"><img id="BLOGGER_PHOTO_ID_5483654152542052002" style="float: left;" src="http://2.bp.blogspot.com/_q_8Qh9zwEQE/TBnaZeldXqI/AAAAAAAAAZs/HLWFNAzQ9yE/s400/don.JPG" alt="" /></a><em>Donostiarra</em> arraun-taldeak, bazkideen eguna ospatuko du larunbatean, ekainaren 19an, Arrantzaleen Kofradian, 12:00etan. Bide batez bi traineruetako plantillak aurkeztuko ditu, eta hamaiketako bat ere eskainiko zaie bertaratuei. Hona hemen <a class="external-link" href="http://www.kaiarribadonostiarra.com/Noticias_DetalleID16_Eu.aspx">Donostiarraren webgunean</a> argitaratu duten oharra (post-data bat dut amaieran klubekoentzat):</div> "Bazkideen egunaren ospakizuna, hamaiketakoa eta taldeen aurkezpenarekin

Larunbat honetan, ekainak 19, Donostiarra-Kaiarriba Arraun Elkartearen bazkideen eguna ospatuko da Donostiako portuan dagoen Arrantzaleen Kofradian, eguerdiko 12:00etan. KAE-1 eta KAE-2ko denboraldiak hastear daudenean, Klubak bazkideei eskerrak eman nahi dizkie beraien babesagatik, beraiek gabe Donostiarraren proiektua ezinezkoa izango litzatekeelako.

Horregatik, deialdia egiten zaie bazkideei, jarraitzaileei eta komunikabideei festa honetan parte hartzeko. Bertan, “A” eta “B” taldeko arraunlariak banan bana aurkezteaz gain, Alberto Goitia lehendakariak eta “A” taldeko entrenatzaileak, Jose Ramon Mendizabalek, hitz batzuk esango dituzte.

Hamaiketakoa dohainik egongo da denontzat, taldeko armarria duen kristalezko edalontzi bat erosi ezkero. Fruitu lehorrak, txistorra eta tortila pintxoak, sagardoa, garagardoa eta ura egongo dira nahi adina.

Animatu eta hurbildu!"

 

PD: lehenago abisatu izan balute, bertan izango nintzen... baina bi eguneko aurrerapen eskasez abisatuta, ba ezin izango dut, beste zerbaiterako hitzordua baitut. Ez dakit beste norbaiti ere pasatuko zaion niri gertatutakoa, baina, horrelako gauzak antolatzea gauza arazotsua izan daitekeela onartuta ere, eskertzekoa litzateke aurrerapen handiagoz egitea horrelako deialdiak hurrengoetan. Ondo pasa, zoaztenak.

 

(Jatorrian Tornozulotik blogean argitaratua.) ]]> 2010-06-17T12:17:21+02:00 2010-06-17T12:18:48+02:00 Tornozulotik Donostia Donostiarra Garai bateko arraun elkarte donostiarrak http://estropa.net/Members/Tornozulotik/tornozulotik-bloga/archive/2010/04/21/garai-bateko-arraun-elkarte-donostiarrak <p>"Garai bateko" diot izenburuan, baina mintzagai izango ditudan elkarteak ez dira antzinakoak berez, bizirik eta kementsu baitaude gaur egun ere. Alabaina, Donostiako arraun munduan garai batean izandako garrantziarengatik aipatuko ditut, eta, hain justu horregatik, protagonismoa antzina izan zutelako, deitzen diet horrela. Ez dakidala, beraz, inor haserretu.</p>
"
Arraun-kirolaren lehen garaietan (tostako arraunketaz ari gara), arrantzale-kuadrillak aritzen ziren, arrantza-patroi baten gidaritzapean, ondoko herrietako beste arrantzale-kuadrillekin lehian. Era horretakoak izan ziren Karril, Kiriko, Soterotxo eta abarren garaiko taldeak. Gaur egun (1970tik aurrera), berriz, arraunketa helburu duten arraun-klub modernoak ditugu (Donostia, Ur-Kirolak, Arraun Lagunak, Fortuna, Donostiarra...). Baina, arrantza-kuadrillen eta klub modernoen bi garai horien artean, hau da, 1930, 40, 50 eta 60ko hamarkadetan, zein talde aritu ziren donostiarren ahalegina katalizatzeko lanean?

Gauza jakina da Ur-Kirolak aitzindaria, eta ez nolanahikoa, izan zela arraun olinpikoko modalitatean, eta, horrekin batera, tostako arraunketan ere aritu izan zela noizbait, aipatu ditugun urte horietan; Donostiak Kontxan aritzeko talderik ez zuenean, adibidez. Baina, bereziki, ondoren azalduko ditugun elkarteek mantendu zuten bizirik Donostiako tostako arraunketa hamarkada haietan: Loiolatarra, Amaikak-Bat, Esperanza eta Txapel Aundi.

Elkarte horien ezaugarria da denek ere kirol modalitate asko landu izan dituztela, eta horien arteko bat zela arrauna. Meritu berezia izan dute hirian, eta bakoitzak bere auzoan, kirol-jardueraren arnasari eusteko.

Loiolatarrak 1940ko hamarkadan atera zuen trainerua, eta 1940 - 1947 bitartean aritu zen Kontxako Banderan (Sebastian Bakeriza, Landaberea eta Urdiziain patroi izanik, besteak beste). Gerora arraunarekin izan duten harremana pixkanaka urritu bada ere, 30 urte dira batel estropada bat antolatzen dutela urtero Loiola auzoko San Inazio jaietan (1987an Loiolatarra bera izan zen garaile).

Amaikak-Bat elkarteak 1932an egoitza Erdialdetik Parte Zaharrera ekarri zuenean heldu zion arraunari. Urte horretan bertan Kontxan parte hartu eta bigarren postua eskuratu zuen. Kontxako Bandera lortzeko lehian izan zen 1932, 1933, 1934, 1935, 1940, 1941 eta 1942 urteetan; azken urte hauetan, Loiolatarrarekin batera. Antton eta Sebastian Bakeriza, eta Eustakio Iraola "Famao" izan ziren Amaikak-Bateko patroiak.

 

Esperanza izango da, dudarik gabe, zerrenda honetako elkarte ezagunena, berak lortua baita Donostiako talde batek irabazi duen azkeneko Kontxako Bandera (espero dezagun, ez dela luzarorako izango hori). 1950ean irabazi zuen elkarte koxkero honek trapua, Antonio Korta "Pintxan" patroiarekin, eta 1949 eta 1958. urteetan ere aritu zen Kontxako uretan norgehiagokan. Traineruaz aparte, batel eta trainerillan ere hainbat aldiz izan zen goi mailako lehian, adibidez Espainiako txapelketetan. 1948ko Espainiako txapeldun izan zen bateletan (eta bi 2. postu ere eskuratu zituen) eta trainerilletan bi aldiz igo zen podiumera.


Txapel Aundi izango da aipatuko dugun azken elkartea, seguruenik ezezagunena irakurlearentzat. Martuteneko elkarte honek 1960ko hamarkadan batel eta trainerillak uretaratu zituen, eta 1962an Espainiako txapeldunak izan ziren trainerilletan.

 

Funtsezkoak izan ziren elkarte hauek denak Donostiako arraunketarentzat, bakoitza bere garai eta moduan, eta interesgarria iruditu zait gure historiako orrialde hauek nolabait azpimarratzea, gauza hauek ahazteko dugun joera nolabait arintzeko asmoz-edo.

 

Tornozulotik blogean argitaratua: http://donostiarrakarraunean.blogspot.com/2010/04/garai-bateko-arraun-elkarte.html

Argazkiak
1. Loiolatarra trainerua Kontxako puntetan, 1940ko hamarkada. (loiolatarra.org)
2. Loiolatarra trainerua Urumeako uretan, 1940ko hamarkada. (loiolatarra.org)
3. Amaikak-Bat taldeko arraunlariak Kontxan, 1932. (sociedadesgastronomicas.com)
4. 1950ean Kontxako bandera irabazi zuen Esperanzako tripulazioa. (sociedadesgastronomicas.com)

]]> 2010-04-21T13:00:52+02:00 2010-04-21T13:12:43+02:00 Tornozulotik Donostia Donostiarrako plantilla eraberritua http://estropa.net/Members/Tornozulotik/tornozulotik-bloga/archive/2010/02/16/donostiarrako-plantilla-eraberritua Donostiarrako entrenatzaile Mendirekin izandako solasaldi bat oinarri hartuta, arraun talde horren berri ematen du Irutxuloko HITZA egunkariak <a class="external-link" href="http://www.irutxulokohitza.info/paperekoa/2010-02-16/p00002005/Plantilla_eraberritua.htm">elkarrizketa honetan</a>. Albistean informazio eta iritzi interesgarri eta mamitsuak biltzen dira, eta gomendatzen dizuet hura irakurtzea. Hala ere, hona hemen ideia nagusien laburpena.
  • Iaz baino askoz hobe daude kopuruz. 35 arraunlari ari dira, iaz 17 zeuden garai honetan.
  • Bajak izan dira, arrauna utzi dutenak. Harrobiko taldeak proiektuaren muina direnez, kezka handiagoa sortu diote baja horiek, etor litezkeen altek baino. Esperientzia handiko arraunlariak etorri dira, batzuk beren ibilbidea etxean bukatzera dator. Etorritakoak: Imanol Cascante, David Iglesias, Miguel Angel Enriquez, Mikel Kortadi eta Iñaki Andonegi.
  • Gimnasioko lanaz aparte, Pasaian ari dira uretan lanean eta han azpiegiturarik ez dutenez, oso baldintza gogorretan ari omen dira. Arraunkera lantzen ari dira batik bat, eta taldea egiten.
  • Helburuak: gorantz egingo dutela uste da; nahiz eta gainerako arerioak ere ondo indartu diren.
  • Harrobia dezente dagoela uste du, 35eko kopuru hori aipatzen du berriro garrantzitsutzat. Lehen traineruaren bultzada ere horretan garrantzitsua izango dela ere badio. Bigarren trainerua ezinbestekoa da, han Manu Roteta izango da berriro entrenatzaile; lana arinduko diot laguntzaile bat ere izango du.
  • 800 bazkide baino gehiago batu dira proiektura. Udalaren dirulaguntza ez da aurten jaitsi, eta ezinbestekotzat du etorkizunean. Bilaketa bide onetik doala dioen arren, gaur egun babesleekin akordiorik ez dela itxi aitortu du.

    •  

    ]]>     2010-02-16T10:16:31+01:00 2010-02-16T14:55:23+01:00 Tornozulotik Donostiarra     1948: Franco Kontxako Banderan hiltzeko saioa http://estropa.net/Members/Tornozulotik/tornozulotik-bloga/archive/2009/12/13/1948-franco-kontxako-banderan-hiltzeko-saioa <p>Bai, ondo irakurri duzue. Diktadorea, Donostiara uda pasatzera etortzen zenean, Kontxako Bandera ikustera etorri zalea zen; eta, egoera hori aprobetxatu nahiean-edo, uretan traineruak jo eta ke ari ziren unean Franco atentatuan hiltzea bururatu zitzaien anarkista batzuei 1948an.</p> Ez pentsa, gainera, asmoa nolanahikoa zenik, hegazkinez bonbardaketa egitea baitzen plana. Ez didazue esango ez denik oso irudi zinematografikoa: marko inkonparablea, traineruak lehian itsasoan, bazterrak milaka pertsona oihularirekin gainezka... eta, hara, zeruan hegazkin bat agertu hegaldi arinean, bonbak askatu, eta "daanbaaaaa!!" Francoren itsasontzia milaka zati eta printzatan lehertuta eztanda lehor batean.

    Laureano Cerrada Santosek jarri zuen martxan atentatua. CNTko kide hau, Gerra Zibilean borrokatu eta gero, Frantziara ihes egin eta erresistentzian aritu zen naziek okupatutako aldean. II. Mundu Gerra amaitzean, Franco borrokatzeko xedeari ekin zion. Franco hiltzea izango zuen helburu, hain justu. Eta, zer okurrituko eta, traineru festa aprobetxatuz, diktadorearen itsasontzia hegazkinez bonbardatzea.

    Horren atentatu berezia egiteko, hegazkina behar zuen aurrena. “Nord 1202/II Norécrin II” modeloko abioi kaxkar bat eskuratu zuen ("bizikleta bat", atentatuan parte hartu zutenen hitzetan). Kaxkarra, baina 175 kilo lehergai eramateko modukoa. Azpialdean, fuselajea zulatu eta arrapala erako batzuk eratu zituzten, bonbak bertatik askatzeko.

    Hala, 1948ko irailaren 12an, Banderaren bigarren jardunaldian, ordubata aldera, Hondarribia eta Pedreñaren lehiak bazterrak sututa zituen unean, abioi bat azaldu zen Donostiako zeruan, pirueta bereziak eginez. Kirol-festaren barruko beste ikuskizun bat zela pentsatu zuten askok, baina ez, Frantzia aldetik aireraturiko bonba-hegazkina zen. Plana pentsatu bezala zihoala uste izango zuten anarkistek, seguru asko...

    Alabaina, Francoren itsasontziaren bertikala hartzea lortzeko aukera izan baino askoz lehenago, armadako hidroabioi bat eta kaza batzuk hurbildu zitzaizkien hegan. Maniobra batzuk egiten saiatu arren, argi ikusi zuten berehala ihes egitea beste aukerarik ez zutela. Gainera, itsasontziko kanoi antiaereoak hegazkinerantz apuntatzen hasi zirela ere konturatu ziren. Bonbak nola-hala bota-ez-bota zalantzan izan ziren pixka batean, baina ez botatzea erabaki zuten azkenean. “Ni una bomba en el barrio de los pescadores, todas para el pescador de agua dulce” omen zen kontsigna. Azken maniobra bat baliatuz, hanka egitea lortu zuten.

    Luze eztabaidatu izan da zerk huts egin zuen. Norbaitek abisua eman zuela da uste zabalduena, txibatazoa izan zela, alegia. Kontuak kontu, Cerrada ez zen amore ematekoa, eta beste atentatu saio batzuk burutatu zitzaizkion, Aieteko jauregian egitekoa, adibidez. Horiek, ordea, beste leku baterako istorioak dira.

    Gertakari honi buruz gehiago jakin nahi duenak, jo dezala hona edo hona, edo azken web orri horretan azaldutako bibiografiara. Eta, liburu horietatik, hona bereziki: Los atentados contra Franco, Eliseo Bayo, Plaza & Janes, 1976.

    (Tornozulotik blogean argitaratua: http://donostiarrakarraunean.blogspot.com/ )

    ]]>     2009-12-13T09:47:13+01:00 2009-12-13T09:48:11+01:00 Tornozulotik     Joseba Clavijo: errekorra lortu eta Donostiarrara? http://estropa.net/Members/Tornozulotik/tornozulotik-bloga/archive/2009/12/02/joseva-clavijok-errekorra-lortu-eta-donostiarrara <p>Gaurko <a class="external-link" href="http://amarazaharra.hitza.info/paperekoa/2009-12-02/p00008001/Maratoilariaren_bakardadea.htm">Irutxuloko HITZAn kontatu zaigunez,</a> <span class="azpititularra">ergometroko maratoi distantziaren aurtengo munduko markarik onena lortu du </span><span class="azpititularra">Joseba Clavijo arraunlari donostiarrak</span><span class="azpititularra">. Eta, era berean, denboraldi honetan Donostiarran aritu daitekeela dio egunkariak.<br /></span></p>

    2007an egin zuen loiolatarrak ergometro maratoiaren errekorra lortzeko saioa lehen aldiz, eta 2 ordu 59 minutu 27 segundo eta 9 ehunen behar izan zituen 42,195 "metroak" egiteko. Joan den asteburuan, berriz, 20 minututan hobetu zuen marka, 2 ordu 39 minutu 32 segundo eta 9 ehuneneko marka ezarrita, munduko aurtengo marka onena.

     

    Albistean aipatzen denez, baliteke Joseba Clavijo aurten Donostiarran aritzea. Mendirekin hitz egin omen du eta ilusioa egiten omen dio talde horrekin aritzeak. Izan ere, berak entrenatutako hainbat arraunlari izango lituzte tostakide, 2007 arte Ur-Kirolaken arraun egindakoa eta bertako entrenatzaile izandakoa baita Clavijo. ]]>     2009-12-02T11:10:12+01:00 2009-12-02T12:04:13+01:00 Tornozulotik Donostia Donostiarra ergometroa     Ur-Kirolak 1925: Ipurmasailak odoletan http://estropa.net/Members/Tornozulotik/tornozulotik-bloga/archive/2009/10/27/ur-kirolak-1925-ipurmasailak-odoletan <p>Ipurmasailak minbera, larrututa eta are odoletan izatea, arraunlariek hurbiletik ezagutzen duten kontua da. Tentu handiz zaindu eta zaildu beharrekoa da tostan hain marruskadura-saio gogorretan erabiltzen den ipurdi-alderdi hori. Duela gutxi Korta berak azaltzen zuen telebistan, gordintasun osoz, arraunean hasi zen garai hartan maindireak ipurdian literalki itsatsita esnatzen zela hainbatetan. Gaur kontatu nahi dizuedan istorioa, ordea, ez da arraunlarien ohiko ipurdi-min horiei buruzkoa, istripu batek eragindakoa baizik.</p> Ur-Kirolak 1922an sortu zuten arraunzale donostiar batzuek, aulki mugikorrean aritzeko zaletasunak bultzatuta. Lehiatzeko yolarik ez zutela-eta, bat beren kasa eraikitzea erabaki zuten. Baina plano eta informazio askorik gabekoak izaki, nahiko ontzi zatarra atera omen zitzaien: Euskotarra. Ez zen arraunerako ontzi baliagarria, eta irtenbide bat bilatu beharra zegoen, hartaz. Club Nauticoko biltegietan erdi ahaztuta zegoen yola zahar bat eskatu zioten klub horri, eta pixka bat zaharberritu eta gero, Urkik izan zuen bere lehen yola "lehiakorra": Antziak . Halamoduzko ontzi horrekin 1924an Espainiako txapelketara joan eta irabazi egin zuten.

     

     

    Jakina, irabazteko asmo berarekin joan ziren 1925ean Alacant aldera Angel Lizarraga, Agustin Lacoste, Jose Etxeberria eta Gaspar Iparragarai arraunlariak, Mariano Larrandia lemazainarekin batera. Arraunketako teknika ez omen zuten oso landua aulki mugikorrerako, baina kementsuak eta gogo berokoak izateak konpentsatzen zuen gabezia hori. Eta kartsutasun hura frogatu beharra gertatuko zitzaion arraunlari bati estropada erdian. Izan ere, txapelketa lehiatzen jo eta su ari zirela, eserlekuko orga lekutik irten egin zitzaion Lizarragari, eta zuzenean errailen gainean eserita geratu zen. Hala, ipurdia aurrera eta atzera horren mingarriki zigortuz jarraitu behar izan zuen arraunean. Ez zen giro izango azpialde horretan! Hala ere, hortzak estutu eta ekinez, txapelketa irabazi ahal izan zuen Ur-Kirolakeko laukoteak:

    1. Antziak (Ur-Kirolak), 7:47
    2. Irrintzi (Club Nautico Donostia), 7:53
    3. Arrea (Alacant), 7:59
    4. Morato (Bartzelona), 8:13
    5. Yo (Tarragona), 8:34

    Era arranditsu eta bizi honetan kontatu zuen balentria hura Argia aldizkariak, 1925eko abuztuaren 23ko alean (beheko irudian ondo irakurtzen ez baduzu, egin klik esteka honetan):



    Hala ere, agian ipurdiko min lazgarri horren arriskuari gehiegi iritzita-edo, ontzi berria eduki beharko zutela pentsatu zuten donostiarrek. Real Sociedadek sustatutako diru-biltze bati esker, Italian yola bat eraikitzeko adina eskuratu zuek Urkik: Ametza ontzia. Ondo eskertuko zuen Lizarragaren atzealdeak.

    (Tornozulotik blogean argitaratua: http://donostiarrakarraunean.blogspot.com/2009/10/ur-kirolak-1925-ipurmasailak-odoletan.html)

    (Lehen argazkia: Ur-Kirolak)
    (Bigarren irudia: Argia aldizkariko hemeroteka)

    ]]>     2009-10-27T17:27:58+01:00 2009-10-27T17:31:04+01:00 Tornozulotik Donostia     Animo Mendi !!! http://estropa.net/Members/Tornozulotik/tornozulotik-bloga/archive/2009/10/23/animo-mendi <p> Donostiarrako entrenatzaile Joserra Mendizabal, Mendi, Zaintza Intentsiboetako Unitatean (UVIn) omen dago, joan den ostiraletik, odol-zirkulazioko arazo larri bat dela-eta.</p> Hasteko, noski, bihoakio hemendik besarkadarik handiena berari, eta bere senitarteko guztiei, pertsona baikara entrenatzaile edo beste ezeren aurretik.

    Hala ere, drama pertsonalaren ondoan bigarren mailakoa den gaietara joanez: zer ondorio izan dezake honek Donostiarra traineruaren proiektuan? Nola daramate Donostiarrako kudeatzaileek oraintxe egin behar den plantillaren planifikazio eta osaera? Epe ertain eta luzerako panorama nola ikusten dute?

    Ez da lan makala egokitu zaiena. 

    Animo Mendi. Maite zaituztenek behar zaituzte. Donostiako arraunak behar zaitu.

    ]]>     2009-10-23T13:27:50+02:00 2009-10-23T13:28:28+02:00 Tornozulotik Donostiarra     Donostiarra: Liga amaitu da http://estropa.net/Members/Tornozulotik/tornozulotik-bloga/archive/2009/08/31/donostiarra-liga-amaitu-da <p>Amaitu da auretengo KAE-ARC Liga Donostiarrako bi traineruentzat. Kontxaren atarian, hainbat ondorio ateratzeko garaia da hau.</p>
    Kontuan hartzekoa da iaz eta aurten taldea eratzeko eta bideratzeko prozesuak eta epeak oso desberdinak izan direla (tamalez) Hala ere, emaitzak hortxe-hortxe ibili dira Donostiarra A traineruari dagokionez: aurten 88 puntu lortu dituzte 15 estropadatan (5,86 batez beste), iaz 81 puntu 14 estropadatan (5,78 batez bestekoa). Denboraldian izandako bilakaera ere nahiko antzekoa izan da, erdi mailan hasi, abuztu hasieran emaitza onenak lortu, eta abuztu amaieran emaitza kaskarrenak, Kontxari begira egindako lan kargaren eraginez, seguruenik. Ea aurten Kontxan iazkoa hobetzerik duten; aurrerapausu baten seinale izango litzateke, datozen urteetan emango omen den jauziaren atari gisa-edo. Etxeko arraunlarien talde muin bat lortu da behintzat, gerorako oinarri.

    B taldean berriz, gorabehera asko izan dira (gertatu behar ez luketen itsusikeriak barne), eta, etorkizunari oinarria jartzeko lehen pausua izan delakoan, ontzat eman beharko da esperientzia. Harrobiko gazteei lanean hasteko aukera eman dio traineru honek, eta jarraipena izan dezala datozen urteetan; benetan garrantzitsua baita hori etorkizuna izan nahi duen talde batentzat. Hori bai, errepikatu behar ez diren gauzak bazterrean utzi behar lirateke betiko; eta seriotasun eta zintzotasun handiagoa exigitu beharko lioke zuzendaritzak hainbat teknikori.

    Hona hemen arraunlari bakoitzak jokatutako estropada kopurua:
    DONOSTIARRA A
    Aitor Aranegi 15
    Andima Martinez 15
    Ekain Iriarte 15
    Hibai Fuente 15
    Ibai Sistiaga 15
    Jon Lizarralde 15
    Patxi Olabe 14
    Asier Lopez (Pat.) 13
    Iagoba Bakero 13
    Jon Sardon 13
    Iñaki Fraile 11
    Gorka Ibarluzea 10
    Iñigo Collazo 10
    Jon Quintana 10
    Aritz Peiro 9
    Unai Iparragirre 8
    Telmo Yurramendi 7
    Ion Fidalgo (Pat.) 2
    Ander Iriarte 0
    Imanol Brit 0

    DONOSTIARRA B
    Hodei Abaurrea 15
    Iban Ramos 15
    Oier Iurramendi 15
    Jon Mayoz 14
    Mikel Iradi 14
    Xabier Zubiri 14
    Andoni Lizaso (Pat.) 13
    Lander Clemente 13
    Mauricio Barros 13
    Ricardo Ponce 13
    Xabier Lezertua 13
    Asier Urdangarin 12
    Aitor Casis 11
    Nikolas Yurramendi 8
    Ekaitz De Ibero 7
    Jokin Egaña 6
    Alberto Domingo 5
    Xabier De Diego 5
    Elias Arruabarrena 2
    Manu Roteta (Pat.) 2
    Andres Fernandez 0 ]]>     2009-08-31T21:23:50+02:00 2009-08-31T21:23:50+02:00 Tornozulotik Donostiarra     Alberto Goitia Larman, Donostiarrako presidente berria http://estropa.net/Members/Tornozulotik/tornozulotik-bloga/archive/2009/07/23/alberto-goitia-larman-donostiarrako-presidente-berria <p>Donostia Arraun Lagunak klubeko webgunean aditzera eman denez, Alberto Goitia Larman buru duen zerrenda izango da Donostiarrako (Kaiarribako) zuzendaritza berria.</p> Hona hemen zerrenda osoa:

    Alberto Goitia Larman (Lehendakaria)
    Jose Ramon Iradi Urdanpilleta (Lehendakariordea)
    Fermin Tomas Zubeldia Fano (Diruzaina)
    Felix Martinez Gracia (Idazkaria)
    Jose Manuel Roteta Etxeberria (Bokala)
    Javier Nogueras Uribe (Bokala)
    Iñaki Santesteban Rotaetxe (Bokala)
    -
    Joseba Ubillos Salaberria (Ordezkoa)
    Iñaki Otsoa De Uribe Labaien (Ordezkoa)
    Jose Maria De Diego Torres (Ordezkoa)

    ]]>     2009-07-23T19:19:36+02:00 2009-07-23T19:19:36+02:00 Tornozulotik Donostiarra     Izurdearen fama eta botakarraren izana http://estropa.net/Members/Tornozulotik/tornozulotik-bloga/archive/2009/07/20/izurdearen-fama-eta-botakarraren-izana <div align="justify">Demagun izurde bat eta botakar bat uretan ziztu bizian igerian ikusten ditugula, norgehiagoka larri batean lehiatzen. Jakinik bata bestaren harraparia dela, lehia orekatua izango al litzateke? Zein gertatuko litzateke irabazle?</div> <div align="justify">Ez, ez, lasai... oraingoa ez baita itsasoko animaliei buruzko natura-dokumental bat, XIX. mendeko getariarren eta donostiarren arteko arraun-desafio bat baizik.</div> Eta zer pintatzen dute, bada, bi animalia horiek istorio honetan? Ba, horiexek zirela desafio hartako ontzien izenak: Izurdia Getariakoa eta Potakorra Donostiakoa.

    Desafioa Getarian jokatu zen; zein urtetan egin zen ezin dugu jakin zehazki, ez baitago data zehatzik adierazita inon. Hala ere, Antonio Zabala zenak Jose Manterolaren bilduman jasota topatu zituen egun hartako kontuak jorratzen dituzten bi bertso-paper. Hortaz, eta bilduma hori 1877koa denez, estropada nahitaez lehenagoko urteren batean gertatu zela badakigu behintzat. Bertso-paper horietako baten izenburua (Izurdiaren fama eta potakorraren izana) erabili dut, hain zuzen, idazki honi titulua jartzeko.
     
    Dena delako urte hartan, nolabaiteko liskarra izan omen zen arraunlari getariarren eta donostiarren artean, Donostian lehenago antolatutako estropada bat zela medio: hainbat kontu eta eztabaidaren ondoren, ez zen estropada jokatzerik izan. Hurrengo egunetan, Donostiakoei errua botaz, Getarian burla eta mespretxu ugari ibili omen ziren airean donostiarren kontra. Azkenean, kontuak garbitzeko-edo, getariarrek desafioa bota zieten donostiarrei: batel-estropada bat, bosna arraunlari eta patroia izanik tripulazioa. Eta mila erreal jokoan; ez zen sari makala, garai haietarako.
     
    Donostiarrek desafioa onartu, eta hitzartutako egunean hantxe agertu ziren Getarian batel gainean Donostiako gazteak, Anselmo patroiaren gidaritzapean. Eta bai gazteak izan ere donostiarrak, hamazazpi-hemezortzi urteko mutikoak baitziren. Getariako jendea seko harrituta geratu omen zen, gaztetxo haien itxura ikusita:
     
    Allegatu ziraden
    Getariko errira,
    noski jendia franko
    bazegon begira;
    alkarri esanaz zeuden
    alditik aldira:
    "oiek estroparako
    gizonak al dira?"
     
    Apusturako lasta gisa, sei-zazpi arroa harri hartu zituzten donostiarrek, eta, bertso-paperetan esaten denez, hori ere txit barregarria izan omen zen getariarrentzat. Potakorra ea "pleiteroa" al zen (pleita edo karga eramaten zuen itsasontzia, alegia) eta antzeko burlen berri ematen da bertsoetan. Abiatu aurretik, orekarik gabeko norgehiagoka zirudien: gizaseme sendo eta zailduz osatutako izurdea, oraindik ia nerabe ziren gazte batzuez osatutako botakarraren aurka. Alabaina, uraren gainean giharrak dantzan hasi zirenean:
     
    Gizon aulak zirala
    galdubak petxutik,
    indarrik etzutela
    ibiltzeko txutik;
    alere izurdiak
    ez tragatziatik,
    potakorrak utzi du
    izurdia atzetik.
     
    Oraiñdaño itxasuan
    askok du ikusi:
    izurdiak segita
    potakorra igesi;
    orain biyak pelian
    diranian asi,
    potakorra jarri da
    izurdian nagusi.
     
    Garaipen honek oso pozik jarri zituen, noski, donostiarrak. Ezustekoa eman eta mila erreal poltsikoratzeaz gainera, azkenaldi horretan jasan zituzten burlak kitatu zituzten getariarrekin. Eta, atzera, burlak beste aldera itzuli ziren:
     
    Zubek eginak diran
    burlaren erdiyak
    jarri eztitugu emen
    ez pentsa guziyak;
    amarretatikan bost
    dirade utziyak,
    karanba getariyar
    demontrez josiyak!
     
    Adios, getariyarrak,
    adios, ikusi arte,
    ezer ofrezitutzen
    bada eman parte;
    Getariyatik ezta
    Donostiya aparte,
    adios, aje gabiak,
    nai dezuten arte.
     
    Azken lerro hauek une horretako sentimenen isla besterik ez dira, ez dakidala haserretu getariarrik. Arraunean garai onenak bizitzen ari ez diren bi herri historikoren omena izan dadila istoriotxo hau.
     
    (Horrelako kontuak atsegin badituzu, bere garaian estropa.net-era kopiatu gabeko beste hainbat istorio zahar daude nire blogean:
    Kontxa 1915-1916: Donostiako hilkutxa eta oriotarrak ziatzen: http://donostiarrakarraunean.blogspot.com/2009/04/kontxa1915-1916-donostiako-hilkutxa-eta.html
    Luis Karril donostiarra zen, Torrekua: http://donostiarrakarraunean.blogspot.com/2009/04/luis-karril-donostiarra-zen-torrekua.html
    Donostiarren arteko tirabirak, kontu zaharra: http://donostiarrakarraunean.blogspot.com/2009/03/donostiarren-arteko-tirabirak-kontu.html)
    ]]>     2009-07-20T15:22:42+02:00 2009-07-24T17:01:02+02:00 Tornozulotik     Arraun Lagunakeko beteranoak sasoian http://estropa.net/Members/Tornozulotik/tornozulotik-bloga/archive/2009/07/14/arraun-lagunakeko-beteranoak-sasoian <p>Donostia Arraun Lagunak taldeko beteranoek oraindik ere sasoi bete-betean daudela erakutsi dute, hiru txapelketetan urrezko domina lortuta.</p>  
    Donostia Arraun Lagunak taldeko beteranoen 2X eta 8+ ontziek urrezko domina hirukoitza atera dute aurten: Gipuzkoako, Euskadiko eta Espainiako txapelketetan; Orion, ekainaren 14ean, Soustonsen, ekainaren 21ean, eta Sevillan, ekainaren 27an, hurrenez hurren.

    Hona hemen bi ontzi horien tripulazioak:
    2X
    Borja Pablos Fernandez
    Aitor Irindo Solera
    8+
    Borja Pablos Fernandez
    Aitor Iriondo Solera
    Gustavo Canal Lizarbe
    Imanol Arruti Guerra
    Jose Ramon Berasaluze Erkizia
    Joakin Bein Sanchez
    Eulogio Genova Emezabal
    Joseba Higos Iriarte
    Andrea Canal Deleito (Lemazaina)
     
    (Tornozulotik blogean argitaratutako artikulua: http://donostiarrakarraunean.blogspot.com/)
    ]]>     2009-07-14T11:26:31+02:00 2009-07-14T11:27:47+02:00 Tornozulotik Donostia     Donostiarrako plantillak http://estropa.net/Members/Tornozulotik/tornozulotik-bloga/archive/2009/06/22/donostiarrako-plantillak <div>Donostiarra klubak 41 arraunlari izango ditu denboraldi honetan, KAE ligako bi kategorietako bi plantilletan; 41 horietatik 12 iaz Donostiarran ibili ziren (8 Kontxan). 26 propio dira, eta 15 ez propio. Hona hemen izenak:</div> KAE 1:
    Aitor Aranegi
    Ander Iriarte
    Andima Martinez
    Asier Lopez
    Ekain Iriarte
    Gorka Ibarluzea
    Haritz Peiro
    Hibai Fuente
    Iagoba Bakero
    Ibai Sistiaga
    Imanol Brit
    Iñaki Fraile
    Iñigo Collazo
    Ion Fidalgo
    Jon Lizarralde
    Jon Quintana
    Jon Sardon
    Patxi Olabe
    Telmo Yurramendi
    Unai Iparragirre
    20 hauetatik 9 iaz Donostiarran aritu ziren (7 Kontxan). 12 propio dira, eta 8 ez propio. Aipatzekoa da Asier Lopez patroi beteranoaren itzulera.

    KAE 2:
    Aitor Casis
    Alberto Domingo
    Andoni Lizaso
    Andres Fernandez
    Asier Urdangarin
    Ekaitz De Ibero
    Elias Arruabarrena
    Hodei Abaurrea
    Iban Ramos
    Jokin Egaña
    Jon Mayoz
    Jose Manuel Roteta
    Lander Clemente
    Mauricio Barros
    Mikel Iradi
    Nikolas Yurramendi
    Oier Iurramendi
    Ricardo Ponce
    Xabier De Diego
    Xabier Lezertua
    Xabier Zubiri
    21 hauetatik 3 iaz Donostiarran izan ziren (1 Kontxan). 14 propio dira, eta 7 ez propio.
    Zorte on denoi !!!
     
    (Jatorrian, nire blog pertsonalean argitaratua: http://donostiarrakarraunean.blogspot.com/)

     

    ]]>     2009-06-22T10:11:23+02:00 2009-06-22T10:14:27+02:00 Tornozulotik Donostia Donostiarra     Donostiarrako zuzendaritza berria, uztailaren 27an. http://estropa.net/Members/Tornozulotik/tornozulotik-bloga/archive/2009/06/17/donostiarrako-zuzendaritza-berria-uztailaren-19an <p>Donostiarra (Kaiarriba) klubeko zuzendaritza berria, uztailaren 27an egingo den Ezohiko Batzar Nagusian hautatuko da.</p> Donostiarrako zuzendaritza berria eratzeko hauteskunde egutegian zehazten denez, hautagaitza bat baino gehiago izanez gero, uztailaren 19an egingo den Ezohiko Batzar Nagusian hautatuko da klubeko zuzendaritza berria.

    Hona hemen, hauteskunde egutegiaren data nagusiak:

    Ekainak 8: hauteskundeen deialdia.
    Ekainak 26: hautagaitzak aurkezteko epea hasten da.
    Uztailak 3: hautagaitzak aurkezteko epea amaitzen da.
    Uztailak 11: hautagaitzen iragarpenerako epea Arraun eta Urkiko sotoetan.
    Uztailak 27: Ezohiko Batzar Nagusia, hautagaitza-zerrenden artean zuzendaritza berria hautatzeko.

    Proiektuari arnas eta indar berria emateko izan dadila hau guztia.

    ]]>     2009-06-17T22:06:23+02:00 2009-06-26T08:08:02+02:00 Tornozulotik Donostiarra     Donostiar arraunzale baten oroitzapenak http://estropa.net/Members/Tornozulotik/tornozulotik-bloga/archive/2009/06/02/donostiar-arraunzale-baten-oroitzapenak <p>Mutil koxkor bat amaren eskutik helduta, tximeletak sabelean, anaiarekin batera ttipi-ttapa Portu kaletik kai alderantz. Horra hor arraunzale koxkero honek kirol eder horri buruz dituen lehen oroitzapenak.</p> Mutil koxkor bat amaren eskutik helduta, tximeletak sabelean, anaiarekin batera ttipi-ttapa Portu kaletik kai alderantz. Horra hor arraunzale koxkero honek kirol eder horri buruz dituen lehen oroitzapenak. Txiki-txikitako oroitzapen kuttun eta maitatuenen artean dauzkat Kontxako estropaden ingurukoak.

    Goizean goizetiko kaleetako zalapartak esnatuta (etxafuegoak eta, oi, oriotarren sirena puta hura!!... bizi al da?), eguneko ikuskizunaz gozatzeko prest jaikitzen zen ume mukizu hura. Sukaldeko irratian, nola ez, arraun kontuak, eta tarteka, Herri Irratiko arraun-emankizunetan oraindik ere erabiltzen duten trikiti-melodia bixia. Leihora irten eta kalera begira jarri ohi zen, zaleen jardunari barre eginez. Nola ez barre egin, adibidez, duela hogeita hamar urte inguru Sotera eta Kaiku animatzera etortzen ziren andre haien kemen iskanbilatsua aurrean izanda? Egunkariei bistadizo bat ematen zien hurrena, ondo ulertzen ez zuen hizkuntza batean idatzitako letren artean traineru eta arraunlarien argazkiak deszifratu nahian-edo, eta azkenean entzun nahi zituen hitzen zain geratzen zen: "Umeak, joango al gera?"

    Eta, amaren eskutik, anaiarekin batera, ttipi-ttapa kai alderantz. Jakina, Portaletan, apustuzale eta artekarien kalaka ezagun hori: "Lasarte-Michelinek bandera ezetz!", "Kaiku honor a que no!", "Sanjuanek Oriori zortzi ezetz!"... Gero, gesala eta gasolioa nahasten dituen usain ahaztezin hori gozatuz, Kaiarriba aldera, zaleen artean erdi bultzaka, traineruak garraiatzen zituzten orga herdoildu haiek saihestuz eta beroketan aritzen ziren arraunlarien seriotasuna errespetatuz. Koskortuagotzean, amaren eskua askatzean (baina sarrera ordaintzeko dirurik eta/edo borondaterik ez zen adin hartan), Trinidade eta San Telmo inguruko maldetatik Gaztelu aldera sartu eta Damen Bateria azpiko arroketan ikusten zuen mutiko hark estropada. Kontakizun honen garaian, ordea, Kaiarribako sotoen inguruan, arranpla gainean geratzen ziren bi anaiak; arraunlari eta traineruen uretaratzea ikusi, eta hantxe, zain... Halako batean, eupada eta animoz betetako zoramen zaratatsua: "Atera dira". Megafoniak ematen zuen informazioaren zain egon behar: "Ziabogan, lehena Orio, bigarrena Donostia (bai, izenez "Donostia" huts-hutsik, abizenik gabe),...". Ume haren imaginazioan geratzen ziren arraunlarien nekeak, popa erakutsi ezinaren amorrua, ahaleginaren arnasestua... Itzulerako eupada eta animo garraisiak berriro ere, eta denborak megafonian. "Sartu al da Donosti 'tandadeonorren", ama?"

    Pixkanaka, jende andana biltzen hasten zen Kaiarribako arranplan. Txalo zaparrada, lehorreratzen ziren tripulazioentzat. Zale entusiastenak hantxe sartzen ziren uretan, belaunetaraino, patroiari pozezko bizkarrekoak emateko, lepotik helduta erdi itota geratzeko trantzean jartzen ez zuenean. Hain ondo ibili ez zirenak, aldiz, burumakur traineru barruan, zaleen txaloei tristeki eskerrezko agur-keinuak eginez. Haiek ere heroiak ziren, hala ere, dena arreta handiz jarraitzen zuten begitxoentzat. Eta, handik gutxira, ume harentzat galduezina zen eszena: arraunlariek, trainerua bizkarrean, ontzia iraultzeko unea... "Ea, kontu hortik, heldu ondo, bat, bi, orain!", eta ur parrastada zaratatsua ontzi barrutik lurrera. Zoragarria.

    Gero, etxean beti izaten ziren egun haietako kontakizunak: Donostiak ziaboga 1. kalean egin eta 4. kaletik sartu zeneko hura, Rekalde tabernan gizon batek -estropada eguneko edanak gehiegi piztuta-edo- ukabilkada batez adiskidea lurrean zerraldo utzi zueneko hura, puntetatik kanpora nahiko zabar baina puntetatik barrura herritarren aurrean dotore eta saiatuki arraun egiten zuen beste hark entzun behar izaten zituen errietak, eta beste hainbat istorio...

    Ume harentzat, kirolaren alderdi ludikoa eta dudarik gabe pizten duen alderdi emozionala (herri baten afizio izatekoa, kolore jakin bateko jarraitzailea) besterik ez zen arrauna. Gerora ikasi zuen arraunketak bazituela bestelako modalitateak ere, eta Urumean gora eta behera aritzen ziren beste ontzi "olinpiko" haiekin ere pasatzen zuen denbora, ikusmiran. Eta haurtzaroa atzean utzi nuenean, ikasi nuen kirol honek bazituela beste alderdi batzuk ere, lehen begi-kolpean agian hain erakargarriak ez direnak, baina segurienik, benetan arraunaren muin-muineko zentzua biltzen dutenak bere baitan: neguko hilabete ilun eta ezezagunetan egiten den lan isil eta eskergaitza, lainope goibeletan arraunlariek ia egunero egin behar izaten dituzten saio latzak, kresaletan gazitutako izerdia, bigunak gogortu eta gogorrak bigundu beharra gorputzean, esku eta ipurdiko kalloak. Udako sariaren zain, abenduko arrats ilun, umel eta izoztu batean trainerua uretaratu eta jo eta su arraunean aritzea guztiz miresgarria da gorputza sufriarazteko abilidadean emaitzak bilatu bai baina sekula aurkitu ez ditugunontzat. Eta are gehiago, entrenatzaileen egunez eguneko dedikazioa eta direktiboen buruhauste etengabea bezalaxe, ia dena musu truk edo diru-sari askorik gabe egiten denean, zaletasun hutsagatik... gero eta ugariagoak bihurtzen ari diren salbuespen batzuk kenduta.

    Horregatik, ume koskor izateari aspaldi utzi dion honako hau, udako estropadetan odola emozioz irakinda izan ohi duen arraunzale koxkero hau, neguan eta udaberrian ahal duenean kai aldera itzultzen da, bere koloreak defendatuko dituzten arraunlarien dedikazioaz aho zabalik geratzera. Eta jakin badaki jadanik eskutik hartzen ez duten bere gurasoak eta txikitan ia bere bixki bikotea osatzen zuen anaia zaharra ere, kaian paseoan badabiltza, geratu egiten direla Kaiarribako sotoetan mugimendua ikusten badute. Bai eta kostaldeko beste edozein herritan lepoa ur aldera luzatu ere, nonbaitetik estropu hotsa entzuten badute. Helduaroan odola irakinda sentitarazten dizun edozer, eta batez ere, umetan sabelean tximeletak sentiarazten dizkizun edozer, ez baita ahuntzaren gauerdiko eztula.

    Ez dezala hori sekula ahaztu, eskutik helduta gauza gogoangarri batez gozatzera eramateko moduko umeren bat duen ezein gurasok.

     

    (Tornozulotik-en blog pertsonalean argitaratua: http://donostiarrakarraunean.blogspot.com/)

     

    ]]>     2009-06-02T09:55:51+02:00 2009-06-02T09:57:25+02:00 Tornozulotik Donostia Kontxa     Donostiarrako bazkide!! http://estropa.net/Members/Tornozulotik/tornozulotik-bloga/archive/2009/05/05/donostiarrako-bazkide <div>Donostiarrako (Kaiarribako) bazkide egiteko garaia dugu hauxe. Dakizuenez, iazko iskanbilaren ostean, itsaso zakarra zeozer baretu da Donostiako klub historikoen artean (Ur-Kirolak, Donostia Arraun Lagunak, eta Fortuna), eta horien eta udalaren artean.&nbsp;Klub horietako kide ez diren herritar arruntei bazkide izateko bidea ireki die hitzarmen berriak. Ekainean eratuko den zuzendaritza berriaren % 31 hautatzeko eskubidea izango du bazkide masa berri horrek, orain arte Urki eta Arraunen artean eratutako berdinketa hausten duen sistema berrian.</div> Iritzi ugari izan daitezke Donostiako arrauna egituratzeari buruz, baita Donostiarra (Kaiarriba) kluba antolatu behar den moduaren inguruan ere (nire gogoetatxoa egin nuen blog pertsonalean, martxoaren 23ko idatzian). Uste dut garaia dela iraganeko sumindurak atzean utzi eta aurrera begira jartzeko, ekimen berri hau sustatzen duten alderdi guztiak norabide berean ari direla ikusteko, azken garaietako (adibidez, iazko) ikuskizun tristea alde batera utzita. Donostiarraren zuzendaritza berriak heldu beharko dio, era berean, lanaren bere zatiari: klub berriaren interesen alde egitea, herritarrengana hurbiltzeko baliabide eraginkorragoak erabiltzea (adibidez, bazkide egiteko kanpaina berandu abiatu da, eta luzaro egon gara horri buruz ezer jakin gabe), eta abar. Arraunzale donostiar guztiek proiektu horri arnas eman diezaioten nahi nuke. Izan ere, klubaren eta arraunzaleen sinbiosi eta elkarrekiko inplikaziorik gabe, nekez egingo baitu aurrera ekimen sendo batek. Eta zinez uste dut proiektu honen arrakasta estrategikoa dela Donostiako arraunarentzat; galdu ezineko aukera dugu.

     

    Jo, beraz, klub historiko horietako egoitzetara, eta han emango dizkizuete Donostiarrako bazkide egiteko argibideak (Erantzun gisa jarri dudan mezuan dituzue hedabideetan agertutako datu gehiago). Ur Kirolakeko webean, adibidez, baduzue dagoeneko eskaera orria lortzeko link edo esteka.

    Kluben telefonoak, argibideak zehazteko
    Ur Kirolak: 943 465 164 (Aralar mendia, 1.  20014 Donostia)
    Donostia Arraun Lagunak: 943 459 121  (Martutene pasealekua, 11. 20014 Donostia)

    ]]>     2009-05-05T12:07:22+02:00 2009-05-08T09:06:55+02:00 Tornozulotik Donostia Donostiarra