Dokumentu Akzioak
Euskadiko txapelketa jokatuko da ostiralean
Ostiralean, hilaren 31ean jokatuko da Hondarribian Euskadiko txapelketa. Eguerdiko 12:00etan emango zaio Euskadiko traineru txapelketari hasiera, eta bertan hartuko dute parte Euskal Herriko 8 traineruk. Horien artean, Santurtzi, Arkote, Kaiku, Urdaibai, Hondarribia eta Orio izango dira txapelaren bila joango direnak. Gipuzkoako txapeldun den San Pedrok eta Zarautzek uko egin diote Euskadiko txapelketan parte hartzeari, TKE-San Miguel eta lurraldeko estropadekin estropada asko jokatu behar dituztela gaineratuz. San Pedro eta Zarautz ordezkatuko dituzten taldeak Pasai Donibane eta Donostia izango dira, gaur goizean aurkezpenean jakitera eman denez.
Gizonezkoen Euskadiko Txapelketaren aurretik emakumezkoena jokatuko da. Bertan hiru talde gipuzkoarrek eta bizkaitar batek hartuko dute parte. Zumaia, Getaria-Tolosa eta Hondarribia izango dira Gipuzkoatik jokatuko duten taldeak eta Arkote izango da Bizkaiaren izenean jokatuko duen talde bakarra. Badirudi Getaria-Tolosa dela emakumezkoen Euskadiko Txapelketa irabazteko faborito nagusia.
Gizonezkoen txapelketari dagokionez, aukera zabala dago txapelduna nor izango den esaterako orduan. TKE-San Miguel ligari dagokionez, Hondarribia da Euskadiko txapelketan parte hartuko duten taldeen artean Euskal Herriko talderik onena, bigarren postuan aurkitzen den San Pedrok ez baitu jokatuko. Iaz Urdaibai izan bazen ere Euskadiko txapeldun Hala eta guztiz, pasa den asteburuan ligan egon diren aldaketak ikusita eta Orioren gorakada aintzat hartuta, bai Hondarribia, bai Orio eta bai Urdaibai izan daitezke txapeldun.
Getaria-Tolosa dela erredios !!
Getaria-Tolosa dela "kojonian tuan"