Dokumentu Akzioak
Santi Zabaletak Urdaibai utzi du.
Xabier Bereziartua "Txato" Urdaibai utzi ostean beste arraunlari gipuzkoar batek agur esan dio Bermeoko taldeari. Santi Zabaleta arraunlariak Urdaibai utziko du eta arrauna uzteko ideiarekin dabil. Arraunlari beteranoa da eta hainbat urte eman ditu arraunlari moduan. Orion, Zumaian eta Bermeon aritu da 1989tik gaur arte.
Bermeoko taldeak bi arraunlari fitxatu ditu: Alain Colunga eta Jon Albizu. Xabier Bereziartua eta Santi Zabaletak berriz, kontrako bidea hartu dute. Ikusi beharko da zein izango den azkenean Bou Bizkaiaren entrenatzailea. Dena baldintzatuko du eta lehenbailehen garbi izatea ezinbestekoa zaie. Goi-mailan egon nahi dute eta horretarako ahalik eta era egokienean gauzatzea behar-beharrezkoa dute.
