Dokumentu Akzioak
"Kontxako badiatik, dator notizia!"
"Zezen bat izan dela genioz bizia...." San Juandarrak indartsu irten dira Donostiako estropadako burladeroetatik. Nola irten gainera (19:41). Urte osoan eman duten maila ederrari, ginda ezin hobea jarri eta igandeko estropaderako, gogoz, indarrez eta ilusioz gainezka izango dira.
Ondoren, Mirotza iritsi da hegan (19:57). Oriotarrak, ez zuten kale egin behar, eta proelaren ipurdiko tosta ahutsi arren, ez dute kalerik egin.
Txapelketa guztiak irabazi dituen Kaiku izan da sartzen hirugarrenak. Bermeotarrak, azken asteburuetako mailari eutsi eta barruan dira.
Hondarribikoak berriz, alardeko tiroen gisara, ziztu bizian, ia urteko estropadarik onena eginda, kontxako estropadan izango dira.
Astillero berriz, sartu eta ez sartu zen kiniela guztietan, baina barruan dira Salsamendiren mutilak.
Zazpigarrenak berriz, urtea salbatzeko beharra zuten Pedreñarrak izan dira.
Hona hemen 2010eko Kontxako Sailkapen estropadaren emaitzak.
Eta bai, kanpoan geratu direnak, San Pedro eta sorpresarik nabarmenena, kastrok izan da. Kantabriarrak, azken estropadan etxean irabazi ondoren, kontxako banderako hautagai sendo izatetik, Donostiako portutik gozatu beharko dituzte estropadak Camargo, Chapela, Tiran, Zumaia, Isuntza, Santurtzi, Amegrove, Zarautz, Zierbena, Samertolameu. Deustua, Getaria, Trintxerpe, Hibaika etaLuanco-rekin batera.
Datorren igandean, goizeko 12:00etan hasiko da Kontxako estropadako lehen txanda.
Lehen txandan: Kaiku, Astillero, San Juan eta Donostiarra
Bigarren txandan: Orio, Urdaibai, Hondarribia eta Pedreña.
Kartak mahai gainean daude. Nork joko du enbido?
