Arraun Albisteak - Estropadak

Gipuzkoako Batel Ligaren hirugarren jardunaldia bertan behera gelditu da

estropa — 2012-02-02T21:56:05Z

Otsailak 5, igandea, Gipuzkoako Batel Ligaren hirugarren jardunaldia jokatu behar zen Orion. Iragarritako eguraldi txarra dela eta, Gipuzkoako Foru Aldundiak 2012ko otsailaren 4an eta 5ean jokatzeko ziren lehiaketak bertan behera uzteko gomendioa eman du. Beraz asteburu honetan batelariek jai izango dute. Hona hemen Foru Aldundiak bidalitako oharra:

Javier Gonzalez portugaletetarra ACTko lehendakari berria

estropa — 2012-01-23T22:25:23Z

Urtarrilaren 21ean, Traineru Kluben Elkarteak Oiartzunen bi Batzar Orokor ospatu zituen, elkarteko bazkide diren klub guztien parte hartzearekin. Bigarren batzarrean, Portugaletek eta Zierbenak Camargo eta Orioren lekukoa hartu zuten ACTko bazkide gisa. Batzarra bukatuta, batzarkideek Astigarragako Bereziartua sagardotegian eman zioten segida "lan jardunaldiari". Bi batzarretan nabarmendutako gaiak jarraian ikusi ditzakezue:

Hondarribiako zortzikoa Euskadiko distantzia luzeko txapeldun

estropa — 2012-01-22T11:34:40Z

Atzo jokatu zen Euskadiko aulki mugikorreko distantzia luzeko III. Txapelketa. Bertan Hondarribiako zortzikoa nagusitu zen, hirugarren urtez jarraian. Hala ere aurtengoan estropada amaieran Oriotarrek Hondarrabitarrak estu hartu zituzten, bi segundura bakarrik geldituz. Modalitate guztiak erreparatzen baditugu, hiru talderen artean banatu dituzte garaipenak: Hondarrabia A.E. (3), Orio Arraunketa Elkartea (2) eta Getxo Arraun Elkartea (2). Hondarrabitarrek hiru garaipenak, bi zortzikoan, gizonezkoen maila nagusian eta jubenil mailan erdietsi dituzte eta hirugarren garaipena emakumezko jubenilek 2X Skull bikoitzan lortu dute. Oriotarrei dagokionez, kadete mutiletan lortu dituzte bi garaipenak, zortzikoan eta lemazain gabeko laukoan. Halaber, Getxo Arraun Elkarteak kadete mailan lortu ditu bi garaipenak, mutilen 4X Skull eta nesken 2X Skull. Atzoko estropaden maila guztietako emaitzak jarraian ikusi ditzakezue:

Gipuzkoako Batel Ligaren lehen jardunaldia jokatu da Orion

estropa — 2012-01-22T10:29:43Z

Gaur goizean, Urtarrilak 21, 2012ko Gipuzkoako Batel Ligaren lehen jardunaldia jokatu da Orion, Zarautz Arraun Elkarteak antolatuta. Lehen estropada honetan hauek izan dira garaileak: nesken haurren mailan Hibaika nagusitu da, San Juan bigarren izan delarik. Mutilen infantil mailan, Tolosaldeak irabazi du eta Getaria bigarren. Mutilen Kadete mailan, Hibaika gailendu da eta bigarren Zarauztarrak izan dira. Mutilen jubenil mailan Illunbek lortu du garaipena eta Pasai San Pedro izan da bigarren. Emakumezkoen Jubenil/Senior mailan Hibaikak irabazi du neska San Juandarren aurretik. Eta azkenik, mutilen senior mailan Oriok irabazi du. Hona hemen jarraian estropadetako emaitzak:

TKE Elkartearen urteko lehen batzar orokorra Oiartzunen

estropa — 2012-01-17T23:07:35Z

Datorren larunbatean, urtarrilak 21, TKE Traineru Kluben Elkarteak urteko lehen Batzar Orokorra egingo du. Goizeko 10etan, elkarteak berak Oiartzunen duen egoitzan. Hona hemen Batzarraren gai zerrendako puntu garrantzitsuenak:

Tolosako batel estropadetan, Tolosaldea eta Hibaika nagusi

estropa — 2012-01-15T15:39:43Z

Atzo goizean Tolosan Federazioa Trofeoko haur eta kadete mailako estropadak jokatu ziren. Oraingo honetan, nesken haurren mailan Tolosaldekoak gailendu ziren, Hibaika bigarren izan zelarik. Mutilen infantil mailan, etxekoak (Tolosaldekoak) izan ziren jaun eta jabe, lehenengo bi postuak lortuz, Tolosaldea "A" eta "B", hurrenez hurren. Eta azkenik, Mutilen Kadete mailan, Hibaika nagusitu zen joan den asteburuan bezala, eta bigarren Zarauztarrak izan ziren. Hona hemen jarraian estropadetako emaitzak:

Gaurko batel estropadetan Hibaika eta San Pedro onenak

estropa — 2012-01-08T18:47:38Z

Gaur goizean Donostian ospatu den Federazioa Trofeoa estropadetan Hibaika eta San Pedro izan dira onenak kategoria ezberdinetan. Hibaikak, nesken haurren mailan gailentzea lortu du, Getaria "A" taldeari irabazi ostean. Mutilen infantil mailan, sanpedrotarrak izan dira nagusi eta Tolosaldea "A" bigarren. Mutilen Kadete mailan, Hibaika nagusitu da eta ondoren Zarautz iritsi da. Mutilen jubenil mailan Pasai San Pedrok lortu du garaipena eta Mundaka "A" izan da bigarren. Emakumezkoen Jubenil/Senior mailan Hibaikak irabazi du neska San Juandarren aurretik. Eta azkenik, mutilen senior mailan Hibaikak irabazi du. Hauek izan dira estropadako emaitzak:

Gipuzkoako distantzia luzeko outrigger txapelketan Hondarribia nagusi

estropa — 2012-01-07T21:49:23Z

Gaur Bidasoako uretan jokatu da, 2012ko Gipuzkoako distantzia luzeko outrigger txapelketa. Aurtengoa distantzia luzeko lehen txapelketa izan da eta bertan arraun mugikorrean dabiltzan Gipuzkoako talde guztiak aritu dira: San Juan, Arraun Lagunak, Ur-kirolak, Santiagotarrak, Orio eta Hondarribia. Guztira 48 ontzi eta 260 arraunlari jardun dira arraunean gaurko estropadan. Modalitate nagusian, lemazaindun zortzikoan, Hondarribia A izan da garaile eta Orio bigarren hamalau segundutara. Hondarribiako talde txapelduna hurrengo arraunlariek osatu dute: Julen Castrillon, Iñigo Vertiz, Ekaitz Aznar, Iker Amador, Gorka Vertiz, Manex Aldai, Asier Puertas, Mikel Orbañanos eta Joan Alza lemazaina. Zorionak guztioi! Datorren hitzordua Euskadiko distantzia luzeko txapelketa izango da Urtarrilak 21ean. Jarraian modalitate guztietako emaitzak ikusi ditzakezue:

Gipuzkoako Arraunaren XI. Gala ospatu da

estropa — 2011-12-20T22:48:19Z

Gaur arratsaldean 2011ko Gipuzkoako Arraunaren XI. Gala ospatu da Donostiako Kirol Etxeko ekitaldi aretoan. Bertan aurtengo sariak banatu dira. Hauek izan dira saridunak: Alberto Etxarte eta Olaia Martinez, Munduko Itsas Arraunketa Txapelketako txapeldunordeak; Getaria-Tolosa Gipuzkoako emakumezkoen II. Traineru Ligako txapeldunak; Getaria A.E. KAE-2 Traineru Ligako txapeldun Gipuzkoarrak; Donostiarra-Kaiarriba A.E. KAE-1 Traineru Ligako txapeldun Gipuzkaorrak; Hondarribia A.E. TKE Ligako Txapeldun Gipuzkoarrak; Euskotreneko zuzendari nagusia; Gipuzkoako Foru Aldundiko Kirol departamentua; Gipuzkoako klubetako boluntarioak; eta Kirolarekin-eko boluntarioak. Zorionak guztioi!

Bihar emango zaio hasiera Aulki Mugikorreko denboraldiari

estropa — 2011-12-09T20:49:33Z

Bihar, Abenduak 10 larunbata, 2012. urteko Gipuzkoako Aulki Mugikorreko Ligari hasiera emango zaio, Hondarribiako jaitsierarekin. Estropadak arratsaldeko 15:00etan hasiko dira eta bertan 75 ontzik arraun egingo dute. Berez bigarren jardunaldia behar zuen honakoa baina joan den Abenduaren 5ean jokatu behar ziren estropadak bertan behera gelditu ondoren biharkoa izango da aulki mugikorreko denboraldiaren estreinaldia. Hona hemen parte hartzaileak:

KAE Ligan ez da dopin kasurik eman

estropa — 2011-12-09T20:10:46Z

2011ko denboraldian zehar egin diren 83 kontroletan ez da positibo kasu bakarra ere agertu. Kontrol guzti hauetatik 33 lehiaketan zehar egin dira eta beste 50 kontrol lehiaketatik kanpo egindakoak dira. Iazko denboraldiarekin alderatuz 54 kontrol gehiago egin dituzte batez ere lehiaketatik kanpo. Zenbaki hauek, TKE elkartea urtetik urtera dopinaren aurka gogorrago dabilela erakusten dute, eta horretarako eskura dituen baliabide guztiak erabiltzen dituela.

Hondarribia Arraun Elkartearen urrezko intsignia Mikel Orbañanosentzat

estropa — 2011-11-25T23:23:16Z

Bihar azaroak 26 larunbata, Hondarribia Arraun Elkarteak azken lau urteetan (2008-2011) irabazitako banderen bedeinkapena ospatuko du. Bazkaria Ardoran jatetxean ospatuko da. Eta bertan, Mikel Orbañanosi Hondarribai A.E.-ren urrezko intsignia emango zaio, taldean 10 urte igaro dituelako. Mikel, Ama Guadalupekoaren arraunlari eta entrenatzaile izan da eta garaipen ugari lortu ditu, nabarmenenak: 2005eko Kontxako Bandera eta 2006ko TKE liga. Zorionak eta urte askotarako Mikel!

Zierbenak irabazi du beteranoen ABE liga

estropa — 2011-11-10T23:02:38Z

Joan den igandean Baionan jokatu zen 2011. urteko ABE (Arraunlari Beteranoen Elkartea) ligaren azken estropada. Bertan Arkote nagusitu zen baina garaipena ez zen nahikoa izan Zierbenatarrei liga kentzeko. Aurtengoa ABE ligaren laugarren edizioa izan da eta guztira zazpi talde parte hartu dute: Zierbena, Arkote, Getxo, Lutxana-Deustu, Sestao, Fortuna eta Ibaialde. Eta bi talde gonbidatu izan dira: Pontejos eta Endaika. Zorionak guztiori, horren sasoitsu eta gogotsu aritzeagatik. Jarraian ligako sailkapena ikusi dezakezue:

Santurtzik gaur aurkeztuko du 2012ko denboraldia

estropanet12 — 2011-10-27T08:15:25Z

Gaur arratsaldeko 7etan, Santurtzik 2012ko denboraldiaren aurkezpena egingo du.

Aurkezpenean Itsasoko Amaren entrenatzaile eta prestatzaile fisiko berriak izango dira, Pedro Gabancho eta Ramon Quintana. Beraiekin batera zuzedaritzako kideak ere izango dira, Jose Antonio Exposito presidentean buru delarik.

Orio arraunketa elkarteko hauteskunde batzordeak Ibon Huegun aldarrikatu du presidente

estropanet12 — 2011-10-27T07:59:26Z

(2011/12 – 2015) Presidente eta Gida-Batzorde hautaketarako HAUTESKUNDE BATZORDEA osatzen duten partaideek, (2011-09-23-ko Ezohiko Batzarrean aukeratuok), Orio AE-ko Estatutoak agindu eta Ezohiko Batzarrean onartu zen Hauteskunde-Egutegiaren epea bete denez, honako hau egiaztatzen dute: Hautaketara aurkeztu den HAUTAGAI-ZERRENDA bakarrak, Orio AE-ren Estatutoak agintzen dituen baldintza guztiak betetzen dituela eta lau urterako (2011/12-2015), ALDARRIKATUAK izan direla, PRESIDENTE eta GIDA-BATZORDEko partaide bezela. Hauxek dira: